Óskemende Abaı mereıtoıyna oraı «Kózimniń qarasy» atty kórme ashyldy

ÓSKEMEN. QazAqparat – ShQO Óner mýzeıinde uly aqynnyń 175 jyldyǵy aıasynda «Kózimniń qarasy» atty sýretshiler kórmesi ashyldy, dep habarlaıdy QazAqparat.

Kórmege Nur-Sultan, Balqash, Almaty, Óskemen, Semeı qalalary men Aıagóz, Jarma, Katonqaraǵaı, Tarbaǵataı aýdandary sýretshileriniń 49 týyndysy qoıylǵan. Sharanyń uıymdastyrylýyna «Jańǵyrý» shyǵarmashylyq birlestigi muryndyq bolyp otyr.

«Birlestigimiz 2019 jyldyń jeltoqsan aıynda jumysyn bastaǵan. Sýretshiler kórmege qoıylǵan týyndylaryn 2 aı boıy saldy. Osy arqyly jastarǵa hakimniń shyǵarmashylyǵyn nasıhattap, Abaı týǵan óńirdiń qasıetin, kórkem tabıǵatynyń qupııasyn ashqymyz keldi», - deıdi birlestik jetekshisi, Qazaqstan sýretshiler odaǵynyń múshesi Qudash Nursadyqov.

Aıta keteıik, kórme sáýir aıynyń ortasyna deıin jalǵasady.