Óskemende Abaı eskertkishin búldirgen jasóspirimniń zańdy ókilderine aıyppul salyndy

ÓSKEMEN. QazAqparat – Mundaı sheshim «kámeletke tolmaǵandar vandalızmi» baby boıynsha ákimshilik is aıasynda qabyldandy, dep habarlaıdy QazAqparat YK-news.kz-ke silteme jasap.

Eske salaıyq, 10 shildede polıtsııaǵa Abaı eskertkishine belgisiz bireý sýret salyp ketkeni habarlandy. Qaskúnem vıdeobaqylaý kameralary arqyly anyqtaldy.

«2 shilde kúndiz kámeletke tolmaǵan úsh jasóspirim eskertkishke velosıpedpen kelgen. Olardyń biri eskerkishke jazý jazyp ketti»,- dedi ShQO PD-dan.

«Sýretshi» tabylyp, sotqa «kámeletke tolmaǵandar vandalızmi» 448-baby boıynsha ákimshilik is berildi. 13 shildede sotta qaraldy.

Aıta keteıik, bul bap boıynsha jasóspirimderdiń ata-anasy nemese zańdy ókilderi jaýapqa tartylady. Atap aıtqanda, 15 AEK nemese 51750 teńge aıyppul salyndy.