Óskemende 91 adamdy shetelge shyǵaramyn dep aldaǵan alaıaq 142 mln teńge paıda kórgen

ÓSKEMEN. KAZINFORM — Óskemen qalasynda 91 adamdy aldap soqqan alaıaq 4 jarym jylǵa túrmege qamaldy.

ShQO soty baspasóz qyzmetiniń málimetine súıensek, er adam halyqty týrıstik bıznespen aınalysatynyn sendirip, arzan baǵaǵa shetelge shyǵarýǵa usynys jasaǵan. Buǵan sengen 91 adam onymen shart jasasyp, suraǵan aqshasyn aýdardy. 

Alaıda alaıaq olarmen baılanysqa shyǵýyn toqtatqan. Osynyń saldarynan jábirlenýshilerge 142 781 162 teńge mólsherinde materıaldyq zalal keltirildi. 

— Óskemen qalasynyń № 2 sotynda aıyptalýshyǵa qatysty QK-niń 190-baby 3-bóligi 1,3-tarmaqtary boıynsha qylmystyq is qaraldy. Іs boıynsha jazany jeńildetetin jáne aýyrlatatyn mán-jaılar anyqtalǵan joq. Sot sheshimimen sottalýshy 4 jyl 6 aı merzimge bas bostandyǵynan aıyryldy. Sondaı-aq oǵan kommertsııalyq qyzmet salasynda, atap aıtqanda týrıstik bıznespen 3 jyl merzimge aınalysýǵa tyıym salyndy, — delingen aqparatta.

87 jábirlenýshiniń azamattyq talaby tolyq qanaǵattandyryldy. Úkim áli zańdy kúshine engen joq.

Eske salsaq, buǵan deıin Pavlodarda 12 jasar qyzdy zorlaǵan bozbalaǵa qatysty sot úkimi shyqqany habarlanǵan.