Óskemende 9 myńnan astam jańa kóshe shamy ornatyldy
ÓSKEMEN. QazAqparat - Óskemende 9 myńnan astam jańa kóshe shamy ornatyldy, dep habarlaıdy QazAqparat tilshisi.
Óskemende kóshelerdi jaryqtandyrý júıesin jańartý jobasy aıasynda 9 117 jańa sham ornatyldy.
- Joba boıynsha shaharda bıyl 14 myńǵa jýyq zamanaýı jaryqdıodty sham men energııa únemdeıtin shamdardy ornatý josparlanyp otyr.
Búgingi tańda qalaǵa 10,5 myńnan astam sham aýystyrylýy tıis bolsa, qazirgi ýaqytta josparlanǵan kólemniń 71%-y ornatyldy. Qalǵanyn «Gorsvet» JShS jáne «Birikken energoServıstik Kompanııasy» AQ qyrkúıek aıynyń sońyna deıin ornatýǵa mindetti, - dep habarlady ShQO ákiminiń baspasóz qyzmeti.
Infraqurylymdy jańartý arqyly qala kóshelerin jaryqtandyrý tıimdi bolyp, jańa tehnologııalar energııany eki ese únemdeýge múmkindik beredi.
