Óskemende 89 kópqabatty úı turǵyndary jylýsyz qaldy
ÓSKEMEN. KAZINFORM — Óskemen qalasynyń ortalyǵyndaǵy 6 myńnan astam abonentke jylý berý ýaqytsha toqtatyldy.
Jylýdyń óshirilýine jelidegi aqaý sebep bolǵan. Aqaý «Anýara» saýda úıi, «Álem» jáne «Qaınar» saýda ortalyqtary, «Járdem» bazary, «Qazaqtelekom» jáne Óskemen qalalyq polıtsııa basqarmasy mańyndaǵy ýchaskelerde anyqtalǵan.
Óskemen qalasy ákimdiginiń málimetinshe, jelide ilmekti armatýrany aýystyrý jumystary júrgizilip jatyr.
Jylýsyz qalǵandar ishinde 89 kópqabatty turǵyn úı, 64 ǵımarat jáne 1 jer úı bar. Jalpy sany 6 609 abonent jylýdan ýaqytsha óshirildi.
«Shyǵys Jylý» AQ málimetinshe, magıstraldyq jáne kvartaldyq jylý jelileri shtattyq rejımde jumys istep tur.
Eske salsaq, osyǵan deıin Oralda aldaǵy eki jylda 3 magıstraldyq jylý jelisin jańǵyrtý kózdelip otyrǵany habarlanǵan.