Óskemende 85 kólik júrgizýshisinen arnaıy ruqsattama tárkilendi
ÓSKEMEN. QazAqparat – Óskemen qalasynda polıtsııa qyzmetkerleri 85 kólik júrgizýshisinen arnaıy ruqsattamany tárkiledi, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, reıd barysynda arnaıy ruqsattamamen júrgen 45 júrgizýshiniń memlekettik organdarǵa jáne shahardyń tynys-tirshiligin qamtamasyz etetin kásiporyndarǵa esh qatysy joq ekendigi anyqtalǵan.
«Tártip saqshylary 1989 jylǵy áıel adam tizgindegen «Folksvagen Passat» kóligin toqtatty. Tekserý barysynda onyń memlekettik qyzmette nemese qandaı da bir JShS-da jumys istemeıtindigi belgili boldy. Sondaı-aq polıtseıler reıd kezinde «Hıýndaı» markaly avtokólikti toqtatqan. Qyzyl tústi arnaıy ruqsattamany kórsetken júrgizýshi zeınetker bolyp shyqty», - dep habarlady vedomstvo ókilderi.
Polıtsııa qyzmetkerleri tárkilegen ruqsat qaǵazdary qalalyq ákimdikke jiberilgen.
