Óskemende 8000 adam úıden daýys beredi
ÓSKEMEN. QazAqparat - 8000-ǵa jýyq múmkindigi shekteýli óskemendik búgin úıde daýys beredi, dep habarlaıdy QazAqparat tilshisi.
Óskemen aýmaqtyq saılaý komıssııasynyń tóraǵasy Farhad Qurmanovtyń aıtýynsha, qala turǵyndarynyń aldy saǵat 07:00-de daýys berý ýchaskelerine kelip alǵan.
«Óskemen qalasyndaǵy 120 saılaý ýchaskesine 244 667 saılaýshy tirkelgen. 8000-ǵa jýyq múmkindigi shekteýli azamat búgin úıde daýys berý múmkindigine ıe bolady. Qazirgi ýaqytta qalada Qazaqstannyń 112 táýelsiz baıqaýshysy, EQYU, TMD, ShYU jáne basqa da uıymdardyń halyqaralyq baıqaýshylary jumys istep jatyr», - deıdi Farhat Qurmanov.
Shyǵys Qazaqstan oblysynyń ortalyǵyndaǵy saılaý ýchaskeleri saǵat 20:00-ge deıin úzilissiz jumys istemek.
