Óskemende 8 jasar balany kólik qaǵyp ketti
ÓSKEMEN. QazAqparat – Óskemen qalasynda 8 jasar balany kólik qaǵyp ketti, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, jol-kólik oqıǵasy 9 qyrkúıekte keshki ýaqytta bolǵan.
«Lada Vesta» avtokóligin tizgindegen áıel adam M.Gorkıı kóshesinen Permıtın kóshesine qaraı kele jatty. Sol kezde ol rettelmegen jaıaý júrginshiler ótkelinen júgirip ótip bara jatqan 8 jasar balany qaqqan. Oqýshy birden birinshi qalalyq aýrýhanaǵa jetkizildi», - delingen habarlamada.
Júrgizýshige qatysty ÁQBtK-niń 600-baby 1-bóligimen ákimshilik hattama toltyryldy.
