Óskemende 8 jasar bala ıis tıip kóz jumdy

ÓSKEMEN. KAZINFORM - Óskemen qalasynda ıis tıgen 8 jasar bala qaıtys boldy.

Oqıǵa 14 qańtar kúni Şerbakov kóshesinde bolǵan. Bir otbasy múshelerine túgeldeı ıis tıgen.

«8 jasar qyz sol jerde kóz jumdy. Al ýlanǵan 41 jáne 47 jastaǵy áke-sheshesin jedel járdem qyzmetkerleri shuǵyl túrde aýrýhanaǵa jetkizdi», — dep habarlady ShQO tótenshe jaǵdaılar departamentiniń baspasóz qyzmeti.

Oqıǵaǵa pesh paıdalaný kezinde órt qaýipsizdigi erejelerin saqtamaý sebep bolǵan.

Peshtegi jaryqtardan gaz shyǵyp ketken.

Osy rette qutqarýshylar turǵyndarǵa barynsha abaı bolyp, qaýipsizdik sharalaryn qatań saqtaýdy eskertti.