Óskemende 79 jastaǵy keıýanany aldap aqshasyn alyp ketken adam ustaldy
ÓSKEMEN. QazAqparat – Óskemen qalasynda zeınetkerdi aldap soqqan er adam ustaldy, dep habarlaıdy QazAqparat.
51 jastaǵy qala turǵyny Mendeleev kóshesinde ornalasqan bankomattyń janynda turǵan qart kisini kórip qalǵan. Aqsha sheship alýǵa kómektesetindigin aıtqan ol zeınetkerdi aldap jiberip, onyń bank kartasyn alyp qalady da keıinnen 70 myń teńgesin ıemdenip ketken.
«Tártip saqshylary jedel izdestirý sharalary barysynda kúdiktini qolǵa túsirdi. Er adam óz kinásin moıyndap otyr. Qazirgi ýaqytta QR QK-niń 188-baby (Urlyq) boıynsha sotqa deıingi tergeý amaldary júrgizilýde», - dep habarlady ShQO Polıtsııa departamentiniń baspasóz qyzmeti.
