Óskemende 70 jyl buryn salynǵan jataqhana qırady
ÓSKEMEN. QazAqparat – Óskemen qalasynda ekiqabatty jataqhana qırady, dep habarlaıdy QazAqparat tilshisi.
ShQO tótenshe jaǵdaılar departamenti baspasóz qyzmetiniń málimetine súıensek, qutqarýshylarǵa Tynyshpaev kóshesindegi 1950 jyly salynǵan jataqhananyń tóbe jabyndysy qulaǵany týraly habar túsken.
«Oqıǵa ornyna jedel jetken qutqarýshylar 2 turǵyndy evakýatsııalady. 10 azamat sol jerden óz betimen shyǵyp úlgergen. Kınologııalyq qyzmet ókilderi Alesıa laqapatty ıttiń kómegimen jataqhanada zardap shekkenderdiń bar-joǵyn muqııat tekserdi», - dep habarlady vedomstvo ókilderi.
Belgili bolǵandaı, qaza bolǵandar men zardap shekkender joq. Tóbe jabyndysynyń qulaǵan aýmaǵy shamamen 8 sharshy metrdi quraǵan.
Aldyn ala málimet boıynsha, úıde 50 adam turady.
Qazirgi ýaqytta oqıǵa ornyn polıtsııa qyzmetkerleri qorshap tastady.
Sol jerde komıssııa músheleri jumys isteýde.
