Óskemende 60 jyl jóndeý kórmegen toǵan qaıta jańǵyrady
ÓSKEMEN. QazAqparat - Jergilikti «Óskemen-Vodokanal» kásiporny men ázirbaıjandyq «ALKE Insaat Sanaye ve Ticaret» kompanııasy oblys ortalyǵyndaǵy Oktıabr toǵanyn kúrdeli jóndeý jobasyn iske asyrý týraly kelisimshartqa qol qoıdy, dep habarlaıdy QazAqparat tilshisi.
Qala ákiminiń baspasóz qyzmeti taratqan málimetke súıensek, Óskemenniń Oktıabr aýdanyn sýmen qamtyp turǵan toǵan 1958 jyly iske qosylǵan. Sodan beri atalmysh nysan jóndeýden ótpegen eken.
«Bul kelisimshart Eýropalyq qaıta qurý jáne damý bankiniń nesıelik kelisimi aıasynda júzege asady. Jóndeý jumystary nysannyń elektri jelisi men basqarý tetikterin, qondyrǵylar men qoımany, sýdy zalalsyzdandyrý júıesin túgel qamtıdy. Bul toǵan 1958 jyldan beri jóndeý kórmegen» - dedi «Óskemen-Vodokanal» kásipornynyń dırektory Erjan Áýbákirov.
Jobanyń quny 1,7 mlrd teńgeni quraıdy. Ol qarjy bir jylda ıgerilýi tıis.
«Qazaqstan aýmaǵynda osymen ekinshi jobaǵa atsalyspaqpyz. Biri Ońtústik Qazaqstanda bolsa, biri Óskemende. Toǵandy jóndeý jumystaryn kelesi aptada bastaımyz» - deıdi ázerbaıjandyq kompanııanyń basqarma tóraǵasynyń orynbasary Ilham Mamedov.
