Óskemende 60 jastaǵy qalta urysy qolǵa tústi
ÓSKEMEN. QazAqparat – Óskemen qalasynda 60 jastaǵy qalta urysyna qatysty qylmystyq is qozǵaldy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, polıtsııaǵa habarlasqan 36 jastaǵy áıel «Sport saraıy» aıaldamasynda turǵanda kúrteshesiniń qaltasynan belgisiz bireýdiń «SAMSUNG» markaly eki uıaly telefonyn urlap ketkenin aıtqan. Osylaısha jábirlenýshige 200 000 teńge mólsherinde materıaldyq zalal keltirilgen.
«Jedel izdestirý sharalaryn júrgizgen krımınaldyq polıtsııa qyzmetkerleri kúdiktini qolǵa túsirdi. 60 jastaǵy er adam óz kinásin moıyndap otyr. Urlanǵan uıaly telefondar ıesine qaıtaryldy», - dedi ShQO PD bastyǵy Saǵat Madıev.
Qazirgi ýaqytta atalǵan fakti boıynsha QR QK-niń 188-baby 1-bóligi boıynsha sotqa deıingi tergeý amaldary júrgizilýde.
