Óskemende 6 muz aıdyny ashylady
ÓSKEMEN. QazAqparat – Óskemen qalasynda 6 muz aıdyny ashylady, dep habarlaıdy QazAqparat tilshisi.
Qala ákimdiginiń málimetine súıensek, muz aıdyndary jyldaǵy dástúr boıynsha «Altaı» jáne «Tıtan» stadıondarynda, Sol jaǵalaý jáne Samal saıabaqtarynda, Komendantkada men Komsomol aralynda ashylady. Olar jalǵa berý pýnktterimen jabdyqtalǵan.
«Muz aıdyndary kelýshilerdi mereke kúnderi qabyldaı bastaıdy. Aıdyndardyń resmı ashylýy Táýelsizdiktiń 30 jyldyǵyna oraılastyrylyp otyr. Sondaı-aq 26 mekteptiń aýmaǵynda muz aıdyny quıylady», - delingen aqparatta.
Esterińizge sala ketsek, osyǵan deıin Óskemen qalasynda Táýelsizdik kúni qarsańynda áleýmettik nysandar ashylǵandyǵy habarlanǵan bolatyn.
