Óskemende 5 jasar bala kópqabatty úıdiń terezesinen qulap ketti
ÓSKEMEN. QazAqparat – Óskemen qalasynda 2-qabattyń terezesinen qulap ketken bala aýrýhanaǵa jetkizildi, dep habarlaıdy QazAqparat tilshisi.
Qalalyq tótenshe jaǵdaılar basqarmasy baspasóz qyzmetiniń málimetinshe, Qazaqstan kóshesindegi páterde turatyn áıel 5 jasar ulyn 2008 jylǵy qyzyna tastap, dúkenge shyǵyp ketken. Apaıynyń kóńili basqa nársege aınalyp ketkende bala terezeden qulap tústi.
«Qazirgi ýaqytta bas mıy shaıqalǵan bala aýrýhanaǵa jetkizilgen. Osy rette ata-analarǵa barynsha abaı bolyp, balany bir mınýtqa da jalǵyz qaldyrmaý kerektigin eskertemiz. Terezege temir tor ornatyp, jıhazdy meılinshe terezeden alys qoıǵan jón», - dep habarlady vedomstvo ókilderi.
Esterińizge sala ketsek, osyǵan deıin ShQO-da bir jarym jasar sábıdiń úshinshi qabattan qulap ketkeni habarlanǵan.
