Óskemende 5 myńǵa jýyq abonent jaryqsyz qaldy

ÓSKEMEN. KAZINFORM – Óskemen qalasynda elektr energııasynyń apatty túrde óshýi saldarynan 4800 abonent jaryqsyz qaldy. 

Jibek matalar kombınaty yqshamaýdanynda elektr qýatyndaǵy irkilister shamamen saǵat 16:00-den keıin bastalǵan. Qazirgi ýaqytta tutynýshylardy qaıta qosý jumystary júrgizilip jatyr.

Energetıkterdiń málimetinshe, apatty óshirý sol jaǵalaýdaǵy birneshe aýmaqty qamtyǵan. Atap aıtqanda, 19-shaǵynaýdan, Nurlyjol shaǵynaýdany jáne Moldaǵulov kóshesi jaryqsyz qalǵan. Oqıǵanyń sebepterin anyqtaý úshin sol jerge arnaıy brıgada jiberildi.

– 12 sáýir kúni qalanyń sol jaǵalaýyndaǵy birqatar aýdanda elektr energııasy apatty túrde óshirildi. Sonyń saldarynan 4800 abonent jaryqsyz qaldy. Qazirgi ýaqytta tutynýshylardy qaıta qosý jumystary júrgizilýde. Sebepterin anyqtap, elektrmen jabdyqtaýdy qalpyna keltirý úshin brıgada jumys istep jatyr, - dep habarlady «BESK» AQ baspasóz qyzmeti.

Eske salsaq, osyǵan deıin ShQO turǵyndary elektr jaryǵy jıi óshetinine shaǵymdanǵany jaıly jazǵanbyz.