Óskemende 5-qabattaǵy terezeden bir jasar bala qulap ketti
ÓSKEMEN. QazAqparat – Óskemende 5-qabattaǵy terezeden bir jasar bala qulap ketti, dep habarlaıdy QazAqparat Semey News-ke silteme jasap.
Shyǵys Qazaqstan oblysynyń Tótenshe jaǵdaılar departamentiniń baspasóz qyzmeti qaıǵyly oqıǵa Á. Moldaǵulova kóshesinde bolǵanyn habarlady. Eresekterdiń qaraýynsyz qalǵan 2020 jyly týǵan sábı terezeniń jaqtaýyna shyǵyp, terezeden qulap ketken. Páter bes qabatty turǵyn úıdiń 5-qabatynda ornalasqan. Qyz aýyr halde aýrýhanaǵa jatqyzyldy.
Tótenshe jaǵdaılar basqarmasynyń qyzmetkerleri ata-analarmen profılaktıkalyq jumystar júrgizedi, sondaı-aq balalardyń bilim berý ortalyqtarynyń ata-analar toptary jáne aýmaqtyq basqarý ortalyqtary arqyly balalardyń qaýipsizdigi boıynsha jadynamalar men rolıkter jiberip otyrady.
