Óskemende 428 kóshede janbaı turǵan jaryqshamdar qaıta jarqyrady
ÓSKEMEN. KAZINFORM — Óskemen qalasynda 428 kóshede janbaı turǵan 4 myńnan astam jaryqsham qaıta iske qosyldy.
Óskemendegi jaryqtandyrý júıesin jańǵyrtý jumystary osydan birneshe jyl buryn bastalǵan.
Eskirgen 16 myń shamdy aýystyrý josparlanǵan edi.
Alaıda jumys sozbalańǵa salynyp, turǵyndar jaryq shamdardyń únemi janbaı turatyndyǵyna, sonyń saldarynan qas qaraıǵanda kóshede júrýdiń qolaısyzdyǵyna jıi shaǵymdandy.
ShQO óńirlik memlekettik-jekeshelik áriptestik ortalyǵynyń habarlaýynsha, qazirgi ýaqytta jaryq shamdar máselesi sheshilip keledi.
«Osy jyldyń mamyrynan qyrkúıek aıyna deıin Óskemen qalasynda 428 kóshedegi 4049 jaryq shamy qalpyna keltirildi. Eń aldymen, mektepterdiń, aýrýhanalardyń, memlekettik mekemelerdiń jaıaý júrginshiler ótkelderindegi shamdar iske qosyldy. Al osyǵan deıin basty mindet — ortalyq kósheler men áleýmettik nysandar mańyndaǵy shamdardy jóndeý bolǵan. Endi jer úıler kóshelerine den qoıylyp otyr», — delingen aqparatta.
