Óskemende 400 sharshy metr qoıma órtenip ketti
ÓSKEMEN. QazAqparat – Óskemen qalasynda Depovskaıa kóshesindegi qoımalarda shyqqan órt aýyzdyqtaldy, dep habarlaıdy QazAqparat tilshisi.
Qalalyq tótenshe jaǵdaılar basqarmasynyń málimetinshe, tilsiz jaý saǵat 20.49-da sóndirilgen. Aldyn ala málimetter boıynsha qyzyl jalynǵa oranǵan bokstardyń birinde eski tehnıka bar.
«Órttiń saldarynan qoımanyń tóbesi qulap ketken. Zardap shekken eshkim joq. Ot sharpyǵan jalpy aýmaq 400 sharshy metrdi quraıdy. Oqıǵa ornynda 30 qutqarýshy men 9 tehnıka jumys isteýde», - dep habarlady vedomstvo ókilderi.
Esterińizge sala ketsek, osyǵan deıin Óskemende birneshe qoımanyń órtenip jatqany habarlanǵan.
