Óskemende 40-qa jýyq adamdy san soqtyrǵan «rıeltorlar» qolǵa tústi
ÓSKEMEN. QazAqparat - Óskemende 40-qa jýyq adamdy san soqtyrǵan jalǵan rıeltorlar ustaldy, dep habarlaıdy QazAqparat tilshisi.
Oblystyq ishki ister departamentiniń habarlaýynsha, alaıaqtyq top 3 áıelden quralǵan. «OLX» saıty arqyly páter jaldaýshylarmen baılanys ornatyp, árqaısynan 8000 teńge túsirip kelgen. Anar degen atpen jarnama ornatqan jalǵan rıeltorlar páter izdep júrgen jandarǵa jalǵa baspana beretin adamdar týraly aqparat usynýy kerek bolǵan. Ol úshin aldyn ala kelisimshartqa otyryp, kórsetiletin qyzmet úshin 8000 teńge talap etken. Kelisimsharttyń kúshi 10 kúnge ǵana jetetinin klıentter qujatqa qol qoıǵan kezde ǵana bilip otyrǵan. Eń soraqysy, reıoltarlar bergen baılanys nómirleriniń barlyǵy jalǵan bolyp shyqqan.
«Klıentterdi kelisimshart kúshin joıǵanǵa deıin aldaýsyrata turý úshin Whats Arp messendjeri arqyly qoldan jasalǵan habarlandyrýlar jiberip otyrǵan. Polıtsııa qyzmetkerleri 25, 29 jáne 31 jastaǵy úsh áıeldi ustady. Ótken jyldyń qazan aıynan beri olardyń alaıaqtyq áreketinen 40-qa jýyq adamnyń zardap shekkeni anyqtaldy. Kúdiktilerdiń ústinen «uıymdasqan alaıaqtyq» baby boıynsha qylmystyq is qozǵaldy» delingen departamenttiń baspasóz málimetinde.
