Óskemende 4 metrlik bıiktikten qulaǵan azamat tiri qaldy
ÓSKEMEN. Qyrkúıektiń 1-i. QazAqparat /Lıýdmıla Malko/ - Óskemende turǵyndardyń biri úı qurylysy úshin qazylǵan tórt metrlik shuńqyrǵa túsip ketti.
TJ habarlaǵandaı, alkogoldiń býyna masaıǵan azamat, qısalańdap turǵan dýalǵa súıenip turady. Sol kezde dýal aýyp ketip, er azamat shuńqyrdan bir-aq shyqqan eken. Keıin belgili bolǵandaı, ol temir proftósenishten jasalǵan qorshaý eken.
TJ departamentinen atap ótkendeı, qaıǵyly jaǵdaıdyń oryn almaǵanyna shuńqyr túbinde qurylys armatýrasy men temirbeton qadalarynyń bolmaǵany kóp septigin tıgizgen. Qutqarýshylar arqan-jipter arqyly beıbaqty shuńqyr túbinen alyp shyǵyp, dárigerlerdiń qolyna tapsyrdy. Qazir ol solardyń baqylaýynda. Qutqarýshylardyń aıtýynsha, bul sekildi oqıǵalar sırek bolyp turady.
