Óskemende 4 kólik soqtyǵysty
ÓSKEMEN. QazAqparat – Óskemen qalasynda 4 kólik soqtyǵysyp qaldy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, jol-kólik oqıǵasy Zaşıta shaǵyn aýdanynda bolǵan.
«KamAZ» júk kóligin tizgindep kele jatqan júrgizýshisi jyldamdyqty ruqsat etilgen shekten asyryp, baǵdarshamnyń qyzyl túsine toqtap turǵan «Skoda» kóligine soǵyldy. Soqqy saldarynan «Skoda» «Toyota» kóligine, al «Toyota» bolsa «Lada-ǵa» soǵyldy. Jol apatyna sebepker bolǵan júk kóliginiń júrgizýshisi ákimshilik jaýapkershilikke tartyldy», - dep habarlady vedomstvo ókilderi.
Quqyq buzýshy 20 AEK kóleminde aıyppul tóleýge mindettelýi nemese alty aıǵa deıin kólik tizgindeý quqyǵynan aıyrylýy múmkin.
Esterińizge sala ketsek, osyǵan deıin «Óskemen-Shemonaıha» tasjolynda jol apatynan 2 adam kóz jumǵanyn habarlaǵan bolatynbyz.
