Óskemende 37 jastaǵy er adam satýshyny myltyqpen qorqytyp, dúkendi tonap ketti
ÓSKEMEN. QazAqparat - Óskemende sholaq myltyqpen qarýlanǵan er adam dúkenge basyp kirip, kassadan aqsha alyp ketken, dep habarlaıdy QazAqparat oblystyq polıtsııa departamentine silteme jasap.
Vedomstvonyń málimetinshe, 13 maýsym keshki saǵat 18.20 shamasynda Gagarın býlvarynda ornalasqan dúkenge qolyna sholaq myltyq ustaǵan er adam qaraqshylyq shabýyl jasaǵan.
Ol dúkenniń satýshysyn qarýmen qorqytyp, kassadaǵy aqshany tonap ketti.
«Atalǵan fakti negizinde krımınaldy polıtsııa qyzmetkerleri shuǵyl shara qabyldap, 1983 jyly týǵan oblys ortalyǵynyń turǵyny ustady. Qazirgi tańda QR QK 192-baby boıynsha qylmystyq is qozǵalǵan» dep málim etti polıtseıler.Kúdikti ýaqytsha ızolıatorǵa qamalǵan.
