Óskemende 37 kópqabatty úı apatty jaǵdaıda tur

ÓSKEMEN. KAZINFORM — Óskemen qalasynyń turǵyndary úıleriniń apatty jaǵdaıda turǵanyna, máseleniń talaı jyldan beri sheshilmeı kele jatqanyna shaǵymdandy.

үй
Фото: Талғатжан Мұхаметбекұлы / Kazinform

«Úıimiz bir de bir ret jóndelmedi»

Óskemenniń sol jaǵalaýynda kópqabatty úıler qarqyndy salynyp jatqanymen, oń jaǵalaýda qımyl-qozǵalys joq. Sonyń saldarynan jyl ótken saıyn úıler eskirip, tozyp barady. Keıbir úıler apatty jaǵdaıǵa da túsken.

— Stahanovskaıa kóshesindegi ekiqabatty úıde turyp kele jatqanymyzǵa 15 jyl boldy. Osy ýaqyt ishinde birde-bir ret jóndelmedi. 1946 jyly salynǵan úıimiz resmı túrde apatty dep tanylǵan. Opyrylyp túse bastaǵan syrty da, óńi qashqan ishi de ábden tozyp tur. Tipti un sııaqty úgitilip barady, — deıdi turǵyndar.

úı
Foto: Talǵatjan Muhametbekuly / Kazinform

Qalalyq turǵyn úı-kommýnaldyq sharýashylyq bóliminiń málimetine súıensek, búginde shahar boıynsha barlyǵy 1804 kóppáterli turǵyn úı bar. 

Onyń ishinde:

453 úı — 1960 jylǵa deıin;
450 úı — 196-1970 jyldary;
173 úı — 1971-1975 jyldary;
167 úı — 1976-1980 jyldary;
169 úı — 1981-1986 jyldary;
157 úı — 1986-1990 jyldary;
57 úı — 1991-1995 jyldary;
14 úı — 1996-2000 jyldary;
27 úı — 2001-2006 jyldary;
28 úı — 2006-2010 jyldary;
33 úı — 2011-2015 jyldary;
54 úı — 2016-2020 jyldary;
22 úı — 2021-2025 jyldary salynǵan.

úı
Foto: Talǵatjan Muhametbekuly / Kazinform

Jańa páterler beriledi

Óskemendegi kópqabatty úılerdiń basym kópshiligi kirpishti jáne paneldi úıler. Eń eski úıler 1930 jyly salynǵan. 10 kópqabatty úıdiń tozyǵy jetken, al 37-si apatty jaǵdaıda dep tanyldy. Osy jaǵdaıǵa qatysty ákimdiktiń jaýabyn bilip kórdik.

— 2024-2029 jyldarǵa arnalǵan jóndeý baǵdarlamasy aıasynda jaǵdaı birte-birte retke keltirilmek. Baǵdarlamanyń negizgi maqsaty — qaladaǵy turǵyn úılerdiń jappaı tozýyna jol bermeý. Turǵyn úılerdiń ıelerine birdeı kólemdegi, biraq bir bólmeli páterden kishi emes jańa páterler beriledi. Al turǵyn emes úı-jaılardyń ıelerine olardyń quny óteledi, — dep jaýap berdi ákimdikten.

úı
Foto: Talǵatjan Muhametbekuly / Kazinform

Eń aldymen apatty jaǵdaıdaǵy úılerdiń ıeleri kóshirilmek. Al jaǵdaıy múshkil bolsa da áli apatty dep tanylmaǵan úıler bolsa olardyń ıeleri óz aqshalaryna saraptama jasatýy tıis.

— Turǵyn úıdi apatty dep taný úshin menshik ıeleri ǵımarattar men qurylystardyń senimdiligi men ornyqtylyǵyna tehnıkalyq saraptama júrgizý quqyǵyna tıisti sertıfıkaty bar sarapshyǵa nemese shtatynda attestattalǵan sarapshylar jumys isteıtin akkredıttelgen uıymǵa habarlasýy qajet, — dep túsindirdi vedostvo ókilderi.

Eske salsaq, buǵan deıin Óskemen turǵyndarynyń jolǵa tuz sebýge qarsy talap aryzyn sot qanaǵattandyrmaǵany habarlanǵan.  

úı
Foto: Talǵatjan Muhametbekuly / Kazinform

 

Сейчас читают