Óskemende 36 adam órtten qutqaryldy
ASTANA. QazAqparat - Óskemendegi kópqabatty úılerdiń birinen órt sóndirýshiler otyzdan astam adamdy qutqaryp qaldy, dep habarlaıdy «Qazaqparat»HAA Óskemenniń TJ basqarmasyna silteme jasap.
Baspasóz qyzmeti taratqan aqparatqa súıensek, oqıǵa 18 qańtar kúni túngi saǵat 22:20-da Sátpaev dańǵylynda bolǵan. Birinshi qabatta ornalasqan páterdiń ishindegi jıhazdar men zattardyń janyp jatqanyn baıqaǵandar órt sóndirýshilerge qońyraý shalǵan. Qutqarý qyzmeti páterge tereze arqyly kirdi. Jerde es-tússiz jatqan 1955 jyly týylǵan áıeldi dalaǵa alyp shyqqqan órt sóndirýshiler Álı Súbebaev pen Asylan Qadylbekov ony jedel járdem qyzmetine tapsyrdy. Úı ıesiniń denesi men aıaq-qoldary kúıgen. Ys tıip ýlaný belgileri de bar.
«Órt sóndirýshiler eki topqa bólinip jumys istedi, birnshi top tilsiz jaýdy aýyzdyqtaýǵa kúsh salsa, ekinshi top joǵarǵy qabattaǵy turǵyndardy qutqarýmen aınalysty. Barlyǵy 36 adam evakýatsııalandy. Qazir órttiń shyǵý sebepteri anyqtalý ústinde»,- delingen TJ basqarmasy habarlamasynda.
