Óskemende 3 jyl buryn salyna bastaǵan Gematologııa ortalyǵynyń qurylysyn prokýratýra baqylaýǵa aldy
ÓSKEMEN. KAZINFORM – Óskemende Memleket basshysynyń tapsyrmasy boıynsha memleketke qaıtarylǵan qarajat esebinen salynyp jatqan Gematologııa ortalyǵynyń qurylysyn prokýratýra baqylamaq.
Búginde qalada jańa Gematologııa ortalyǵynyń qurylysy júrgizilip jatyr. Bul aýyr qan aýrýlaryna shaldyqqan adamdar medıtsınalyq kómek alatyn mańyzdy densaýlyq saqtaý nysany bolmaq.
- Ortalyqtyń qurylysy Memleket basshysynyń tapsyrmasy boıynsha memleketke qaıtarylǵan qarajat esebinen de qarjylandyryldy. Qurylystyń jalpy quny 71,3 mıllıard teńgeni quraıdy. 2025 jyly arnaıy memlekettik qorǵa qaıtarylǵan aktıvter esebinen qosymsha 33,6 mıllıard teńge baǵyttaldy. Óskemen qalasynyń prokýratýrasy bul qarajattyń maqsatty paıdalanylýyn jáne qurylys jumystarynyń sapasyn baqylaýǵa aldy, - dep habarlady prokýratýranyń baspasóz qyzmetinen.
Qazirgi ýaqytta nysanda ishki árleý jáne ınjenerlik júıelerdi ornatý jumystary júrgizilýde.
Eske salsaq, osyǵan deıin ShQO-da júrek-qan tamyr aýrýlarynan kóz jumǵandar sany artqany jaıly jazǵanbyz.