Óskemende 3 jasar bala besinshi qabattaǵy terezeden qulap ketti
ÓSKEMEN. QazAqparat – Óskemen qalasyndaǵy kópqabatty úıdiń terezesinen 3 jasar bala qulady, dep habarlaıdy QazAqparat tilshisi.
Qalalyq Tótenshe jaǵdaılar basqarmasy baspasóz qyzmetiniń málimetinshe, oqıǵa 7 tamyz kúni saǵat 15.00 shamasynda Ostrovskıı kóshesindegi bes qabatty turǵyn úıde bolǵan.
«Ata-anasynyń qaraýynsyz qalǵan búldirshin terezeden qulap ketti. Túrli dene jaraqatyn alǵan 2017 jylǵy páter ıesiniń qyzy aýrýhanaǵa jetkizilgen», - delingen vedomstvo málimetinde.
Aıta keteıik, jyl basynan beri óńirde 8 bala terezeden qulaǵan.
