Óskemende 3 adam órtenip ketti
ÓSKEMEN. QazAqparat - Óskemende jer úıge jınalyp ishimdik ishken 3 adam órtten qaza boldy, dep habarlaıdy QazAqparat tilshisi.
Tótenshe jaǵdaılar departamenti qaıǵyly oqıǵa týraly aqparatty órt aýyzdyqtalǵan boıda taratty. Oqıǵa «Alshemalı» saýda úıiniń mańynda, Pervomaıskıı kóshesiniń boıynda bolǵan. 5 adam jer úıge jınalyp, ishimdik ishkeni belgili boldy. Onyń úsheýi oqıǵa ornynda kóz jumsa, qalǵan ekeýi aýyr jaǵdaımen aýrýhanaǵa túsken.
«Qyzyl jalyn shamamen 100 sharshy metrdi sharpyp úlgerdi. Qazirgi tańda órt aýyzdyqtaldy. Mańaıyndaǵy ózge úılerge taralý qaýpi joq» delingen departamenttiń resmı habarynda.
Órttiń shyǵý sebebi anyqtalýda.
