Óskemende 24 aıyppuly bar júrgizýshi anyqtaldy
ÓSKEMEN. QazAqparat – Óskemen qalasynda polıtsııa qyzmetkerleri 24 aıyppuly bar júrgizýshini anyqtady, dep habarlaıdy QazAqparat tilshisi.
Qalalyq Polıtsııa basqarmasy baspasóz qyzmetiniń málimetine súıensek, qalada 1 tamyzdan bastap «Aıyppul tóle» jedel aldyn alý sharasy júrgizilip jatyr.
Shara barysynda tártip saqshylary jol erejesin buzyp, aıyppuldy tólemeı júrgen kólik júrgizýshilerin toqtatady.
«Polıtseıler sheteldik nómirmen júrgen «VAZ» avtokóligin toqtatty. «Sergek» júıesi arqyly tekserý kezinde júrgizýshiniń tólenbegen 24 ákimshilik aıyppuly bar ekendigi belgili boldy. Aıyppuldyń jalpy somasy – 399 myń teńge. Boryshkerdiń kóligi mamandandyrylǵan avtoturaqqa qoıyldy», - dep habarlady vedomstvo ókilderi.
Aıta keteıik, atalmysh jedel aldyn alý sharasy 7 tamyzǵa deıin jalǵasady.
