Óskemende 239 aýla qardan tazartyldy
ÓSKEMEN. QazAqparat – Óskemen qalasynda aýlalardy qardan tazartý jumystary júrgizilýde, dep habarlaıdy QazAqparat.
Qazirgi ýaqytta qaladaǵy 946 aýlanyń 239-y qardan tazartylǵan. Atqarylyp jatqan jumys barysy Óskemen qalasynyń turǵyn úı ınspektsııasy bólimi men PIK qaýymdastyǵynyń baqylaýynda.
Sondaı-aq, kommýnaldyq mekemeler PIK qyzmet kórsetpeıtin aýla turǵyndaryna kómektesýde. Búginde olar 9 aýlanyń qaryn kúrep bergen.
«Jeke sektordaǵy úıler boıynsha jumystar kúsheıtildi. Ablaketka, Sol jaǵalaý, Krasın, Úlbi kentteri men 23-shaǵyn aýdanda qar tazalandy. Túnde avtobýstardyń sońǵy aıaldamalary men jergilikti joldardyń qary shyǵarylady», - dep habarlady qalalyq ákimdiktiń baspasóz qyzmeti.
