Óskemende 2024 jylǵa deıin 5 mektep boı kóteredi
Prezıdent Qasym-Jomart Toqaevtyń el aýmaǵynda 1000 jańa mektep salý týraly tapsyrmasyna sáıkes Óskemende birneshe jańa bilim ordasynyń qurylysy júrgiziledi. Qala ákimdiginiń málimetinshe, 2023-2024 jyldary 4080 oryndyq bes mektep salý josparlanǵan.
«19-shy yqshamaýdanda eki mektep salynady. Atap aıtqanda, matematıka, fızıka, ınformatıka salasyndaǵy daryndy balalarǵa arnalǵan mektep jáne 1000 oryndyq orta mektep. Sondaı-aq «Nurly jol» aýdanynda 600 oryndyq, «Jekpe-jek» saraıynyń mańynda 1000 oryndyq, 28-shi shaǵyn aýdanda 600 oryndyq bilim ordasy boı kóteredi», - delingen aqparatta.
Bıyl Óskemende 1350 oryndyq jeti balabaqsha paıdalanýǵa berilgen. Sonymen qatar Qurylys kolledji men Kópsalaly tehnologııalyq kolledj stýdentterine arnalyp eki jataqhana salynyp jatyr.