Óskemende 200-ge jýyq úı mańyndaǵy dúkende azyq-túlik baǵasy tekserildi
Óskemendegi saýda úılerinde, dúkenderde, turaqtandyrý qorynyń pavılondarynda áleýmettik mańyzy bar azyq-túlik baǵasynyń qymbattaýyna jol bermes úshin turaqty túrde baqylaý júrgizilýde. Reıdterge apta saıyn Kásipkerlik bóliminiń mamandary, jergilikti ózin-ózi basqarýdyń aýmaqtyq keńsesi men Nur Otan partııalyq baqylaý komıssııasynyń múshelerinen quralǵan 11 monıtorıngilik top shyǵýda.
«Úı janyndaǵy dúkenderge kelip, áleýmettik mańyzy bar taýarlardyń baǵasy óndirýshiniń satý qunynyń 15 paıyzynan asyrylmaýy tıistigin túsindirip jatyrmyz. Sondaı-aq satýshylarǵa sol azyq-túlik ónimderiniń tizimi jazylǵan jadynamalar taratylýda. Aqpan aıynyń basynan beri 200-ge jýyq dúken tekserildi. Keıbireýlerinde taýar baǵasynyń 22 paıyzǵa arttyrylǵany anyqtalǵan. Kásipker eskertýdi qabyldap, baǵany belgilengen normaǵa túsirdi», - dedi qalalyq máslıhat hatshysy Aleksandr Svetash.
Aıta keteıik, jalpy Óskemen boıynsha úı mańynda 944 shaǵyn azyq-túlik dúkeni bar.