Óskemende 200-den astam sarbaz ant qabyldady

ÓSKEMEN. QazAparat - Búgin Óskemende elimizdiń túkpir-túkpirinen ásker qataryna shaqyrylǵan 200-den astam sarbaz Ulttyq ulan qatarynda áskerı ant qabyldady, dep habarlaıdy QazAqparat tilshisi.

№5518 áskerı bóliminde ótken saltanatty sharaǵa jas sarbazdardyń ata-analary men jaqyndary da qatysty.

«Bıylǵy ant qabyldaý sharasy el táýelsizdiginiń 27 jyldyǵyna sáıkes kelip otyr. Bul sáıkestik jigitterge úlken jaýapkershilik artatynyn túsindirdik» - deıdi bólim komandıri, podpolkovnık Baqytjan Qulbaev.

Ata-analarynyń aldynda qabyldaǵan antty abyroımen atqaryp shyǵý úshin bul sarbazdar bir jyl boıy oblys ortalyǵynda qoǵamdyq tártipti kúzetetin bolady. Qazirgi tańda Ulttyq ulan ókilderi óńirdegi patrýldik qaýipsizdik qyzmetiniń ajyramas bóligine aınaldy deýge bolady.
 

«Búginge deıin №5518 áskerı bóliminiń  jaýyngerlik quramy 50 qylmystyń betin ashyp, 852 ákimshilik quqyq buzýshylyqtyń jolyn kesipti. Osy erlikteri úshin marapat ta alyp júr» - deıdi Ultttyq ulan  «Shyǵys» óńirlik qolbasshylyǵynyń  baspasóz qyzmetiniń basshysy Baǵdat Amangeldi.