Óskemende 20 balabaqsha jetispeıdi
ÓSKEMEN. QazAqparat – Óskemen qalasynda 20 mektepke deıingi mekeme jetispeıdi, dep habarlaıdy QazAqparat.
Osyǵan deıin bıyl Óskemende 7 balabaqsha ashylatyndyǵyn jazǵan bolatynbyz. Alaıda búldirshinderdiń kóptiginen bul azdyq etýde. Qalalyq bilim bóliminiń málimetine súıensek, búginde balabaqsha kezeginde turǵandar sany 7 myńnan asady.
«Óskemende 97 mektepke deıingi mekeme bar. Onyń ishindegi 68-i balabaqsha, 29-y shaǵyn ortalyq. Balabaqsha tapshylyǵy ásirese qalanyń shalǵaı aýdandarynda sezilýde. Osy jyly memlekettik-jekeshelik áriptestik aıasynda 1180 oryndyq jeti mektepke deıingi mekeme ashý josparlanǵan», - dep habarlady qalalyq bilim bóliminiń qyzmetkerleri.
