Óskemende 2 myńǵa jýyq úıdi sý basýy múmkin - TJD
ÓSKEMEN. QazAqparat – Búgin Óskemen qalasynyń qutqarýshylary sý basý qaýpi bar úılerdi aralap, túsindirý jumysyn júrgizdi, dep habarlaıdy QazAqparat.
Óskemende sý tasqynynyń aldyn alý maqsatynda jedel shtab qurylǵan. Osy ýaqytqa deıin 124 myń tekshe metr qar shyǵarylyp, 5000 qap ınertti materıaldar daıyndalypty. Sondaı-aq, uzyndyǵy 6 shaqyrymnan asatyn alty sý ótkizgish kanal men aryqtar tazartylǵan. Búginde shahar boıynsha 1965 úıdi sý basý qaýpi bar.
«Búgin arnaıy komıssııa músheleri sý tasqyny qaýpi joǵary Ablaketka, Gavan, Sogra jáne Zaşıta aýdandaryn aralap qaıtty. Turǵyndarǵa túsindirý jumysy júrgizilip, tabıǵattyń tosyn minezine aldyn ala daıyn bolý kerektigi eskertildi. Aldaǵy ýaqytta da bul maqsattaǵy jumystar jalǵasyn tappaq», - dep habarlady qalalyq tótenshe jaǵdaılar basqarmasynyń baspasóz qyzmeti.
