Óskemende 2 qabatty aǵash úı órtendi
ASTANA. QazAqparat - Óskemende aǵashtan salynǵan 2 qabatty úı órtendi, dep habarlaıdy QazAqparat tilshisi QR ІІM Tótenshe jaǵdaılar komıtetine silteme jasap.
Vedomstvo málimetinshe, búgin tańerteńgi saǵat 8-36-da órtke qarsy qyzmettiń kezekshilik bólimine Óskemen qalasynyń Sátbaev dańǵyly boıyndaǵy aǵashtan salynǵan 2 qabatty ǵımarattyń órtenip jatqany týraly habarlama túsken. Oqıǵa ornynyna saǵat 8-43-te ótken órt sóndirýshiler 40 mınýttyń ishinde qyzyl jalynnyń aldyn alyp, al saǵat 10-01-de tolyqtaı óshirgen.
«Qyzyl jalyn sharpyǵan aýmaq 200 sharshy metrdi quraıdy. Zardap shekkender men qaza tapqandar joq. Órtpen kúreske 33 qyzmetker men 11 órt sóndirý tehnıkasy jumyldyryldy. Tilsiz jaýdyń shyǵý sebebi anyqtalyp jatyr», - dedi komıtetten.
