Óskemende 19 jastaǵy jigit sýǵa batyp ketti
ÓSKEMEN. KAZINFORM – Óskemen qalasynda sýǵa batqan jigittiń máıitin súńgýirler alyp shyqty.
Qaıǵyly oqıǵa qala irgesindegi saıajaılar aýmaǵynda bolǵan. Shyǵys Qazaqstan oblystyq Tótenshe jaǵdaılar departamenti baspasóz qyzmetiniń málimetinshe,19 jigit sýǵa batyp ketti.
Oqıǵa ornyna qutqarýshylar shuǵyl kelip jetti. Súńgýirler izdestirý jumystaryn júrgizip, marqumnyń denesin sýdan alyp shyqty.
- Oqıǵa saıajaı alqaptary mańynda, shomylýǵa arnalmaǵan orynda belgisiz mán-jaılarda boldy. Qazirgi ýaqytta qaıǵyly jaǵdaıdyń naqty sebebi anyqtalyp jatyr, - dep habarlady vedomstvo ókilderi.
Eske salsaq, osyǵan deıin Soltústik Qazaqstan oblysynyń Aqjar aýdanyndaǵy Shat ózeninen jergilikti turǵyndar 64 jastaǵy er adamnyń denesin taýyp, sýdan shyǵaryp alǵany habarlanǵan.
