Óskemende 18 jastaǵy júrgizýshi qarsy jolaqqa shyǵyp ketip, 2 kólikpen soqtyǵysty
ÓSKEMEN. QazAqparat – Óskemen qalasynda 18 jastaǵy júrgizýshi qarsy jolaqqa shyǵyp ketip, 2 kólikpen soqtyǵysty, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, jol-kólik oqıǵasy 27 qańtarda saǵat 19.00 shamasynda Jibek matalar kombınaty yqshamaýdanynda bolǵan.
«Sátbaev dańǵyly boıymen kele jatqan Toyota Ipsum avtokóliginiń 18 jastaǵy júrgizýshisi rýlge ıe bola almaı, qarsy jolaqqa shyǵyp ketti. Osylaısha ol Toyota Camry markaly eki kólikpen soqtyǵysqan», - dep habarlady vedomstvo ókilderi.
Jol apaty saldarynan 2 adamǵa medıtsınalyq kómek kórsetildi. Qazirgi ýaqytta atalǵan fakti boıynsha sot-medıtsınalyq saraptama taǵaıyndalǵan. Sonyń nátıjeleri boıynsha protsessýaldyq sheshim qabyldanady.
