Óskemende 17 jastaǵy boıjetken ózine qol saldy

ÓSKEMEN. KAZINFORM – Óskemen qalasynda 17 jastaǵy boıjetken sýıtsıd jasady.

Qalalyq prokýratýra baspasóz qyzmetiniń málimetine súıensek, kámelettik jasqa tolmaǵan qyzdyń óz-ózine qol jumsaý faktisine baılanysty tergeý amaldary júrgizilip jatyr.

«Marqum tolyq emes otbasynan shyqqan. Aldyn ala derek boıynsha onyń sýıtsıdke barýyna jaýapsyz mahabbat sebep boldy. 17 jastaǵy boıjetken óz-ózine qol jumsar aldynda hat jazyp qaldyryp ketken», - delingen aqparatta.

Óskemende óz ómirin qııýǵa oqtalǵan kámelettik jasqa tolmaǵan balalar sany bıyl kúrt kóbeıgen.

«Osy jyldyń basynan beri kámelettik jasqa tolmaǵan 22 adam sýıtsıd jasamaq bolsa, bıyl bul kórsetkish 7 adamdy quraǵan. Balalardyń bul qadamǵa barýynyń sebepteri ártúrli. Kóbinese otbasyndaǵy janjal, oqýdaǵy qıyndyqtar, dostarymen qarym-qatynastaǵy kıkiljińder», - delingen habarlamada.

Eske salsaq, osyǵan deıin Jambyl oblysynda eki jasóspirim birinen soń biri sýıtsıd jasaǵany habarlanǵan.