Óskemende 160 myńǵa jýyq adam vaktsına aldy
Qala ákimdiginiń málimetinshe, kún saıyn COVID-19 ınfektsııasyna qarsy ekpe alǵandar sany artyp keledi. Qazirgi ýaqytta shahar turǵyndary úshin otandyq «QazVac» vaktsınasy da qoljetimdi. Sońǵy málimetterge sáıkes, qala boıynsha 157 118 adam vaktsına saldyrǵan.
«Qaýipti dertti jeńýdiń jalǵyz amaly – vaktsına. Óskemendikter arasynda ekpe alǵandar sanyn arttyrý úshin túrli sharalar uıymdastyrylyp jatyr. Máselen, qyrkúıek aıynyń basynda vaktsına saldyrǵandarǵa avtokólik oınatyldy. 30 myńǵa jýyq adam qatysqan lotereıada mektep vahteri jeńimpaz atanyp, Chevrolet Nexia kóliginiń ıesi atandy», - delingen aqparatta.
Esterińizge sala ketsek, osyǵan deıin Óskemende vaktsına alǵandar arasynda baǵaly syılyqtar oınatylatyndyǵy jaıly habarlaǵan bolatynbyz.