Óskemende 16 iri ónerkásiptiń shyǵaryndylaryn 20%-ǵa qysqartý kózdelgen

Ekologııa mınıstri oblys turǵyndarynyń nazaryn «Jasyl Qazaqstan» ulttyq jobasyn iske asyrýǵa aýdardy, ondaǵy 10 iri qalada, onyń ishinde Óskemende 5 jyl ishinde 16 iri ónerkásiptik kásiporyndardaǵy shyǵaryndylardy 20%-ǵa qysqartý kózdelgen.

Shyǵys Qazaqstan oblysynyń ekologııalyq problemalaryn sheshý jónindegi Jol kartasynda 35 is-shara qarastyrylǵan. 2021 jyly atmosferalyq aýa sapasyn baqylaıtyn 9 jańa avtomatty stantsııa ornatyldy (8 stantsııa – Óskemen q., 1 - Shemonaıha q.), onda 6 negizgi lastaýshy kórsetkishter boıynsha monıtorıng júrgiziledi.

Mınıstr qaldyqtar máselelerine toqtaldy. ShQO-da qaldyqty bólek jınaý 3 eldi mekende ǵana engizildi, 4 eldi mekende suryptaý engizildi jáne qaldyqtardy basqarý boıynsha 26 kásiporyn jumys isteıdi, barlyǵy el boıynsha - 379.

«Ruqsat etilmegen qoqys oryndarynyń sany alańdaýshylyq týdyrýda, kosmomonıtorıng aıasynda 224 qoqys orny anyqtaldy, olardyń 43% kádege jaratyldy. Polıgondardyń paıda bolý sebepteriniń biri – zańdastyrylǵan QTQ polıgondarynyń bolmaýy. Qatty turmystyq qaldyqtardy ornalastyrýdyń 165 obektisiniń tek 22-si nemese 13%-y ekologııalyq jáne sanıtarlyq talaptarǵa sáıkes keledi. Eki aýdanda, Katonqaraǵaı men Kýrshım aýdandarynda birde-bir zańdastyrylǵan QTQ polıgony joq», - dep atap ótti S.Brekeshev.

Ekologııa mınıstri óz sózinde oblys ákimdigine QTQ polıgondarynyń jaǵdaıyn jaqsartý, olardy tıisinshe jaılastyrý, sondaı-aq kommýnaldyq qaldyqtardy basqarý jónindegi baǵdarlamany ázirleý men bekitý boıynsha sharalar qabyldaýdy usyndy.

Mınıstrlik kásiporyndarǵa lıtsenzııa berý, qoqys shyǵaratyn kásiporyndardyń tizilimin qurý jáne qaldyqtarmen jumys isteý talaptaryn buzǵany úshin aıyppuldy (jeke tulǵalarǵa 10 AEK-ten 50 AEK-ke) ulǵaıtý arqyly stıhııalyq qoqys oryndaryn qurý máselesin sheshý úshin birqatar júıeli sharalar qabyldaǵanyn atap ótken jón.

Sonymen qatar, Ekologııa mınıstri oblystaǵy qanaǵattanarlyqsyz jaǵdaıdaǵy káriz-tazartý qurylystary máselesin kóterdi. Ertis transshekaralyq ózeninde lastaýshy zattardyń asyp ketýi júıeli túrde anyqtalady. Jóndeý jumystaryn júrgizý jáne qaıta jańartý talap etiledi. «Sondyqtan, ákimdikke ekologııalyq tólemderden túsetin qarajat esebinen qarjylandyrý máselesin qaraý oryndy dep sanaımyz», - dep usyndy S.Brekeshev.

Oblystaǵy geologııalyq salany damytý máselelerin qozǵaı otyryp, vedomstvo basshysy qorlardyń tolyqtyrylýynyń tómendigin atap ótti, sonymen qatar Shyǵys Qazaqstan oblysynda 67,8 myń km2 alańda jer qoınaýyn geologııalyq zertteýge nazar aýdardy. Bul geologııalyq barlaý jumystarynyń kelesi kezeńderin júrgizý jáne geologııalyq barlaýǵa ınvestıtsııalar tartý úshin Qazaqstan aýmaǵynyń, onyń ishinde ShQO aýmaǵynyń perspektıvalaryn baǵalaýǵa múmkindik beredi.

Sondaı-aq, Mınıstr sý jáne orman sharýashylyqtarynyń jumysy týraly baıandap, balyq sharýashylyǵyn damytý máselelerin qozǵady. 2022 jyly óńirde 1297 tonna taýarly balyq ósirý josparlanǵan, aǵymdaǵy jyldyń 6 aıynda onyń 726 tonnasy ósirildi. 2023 jyldyń sońyna deıin Óskemen jáne Buqtyrma sý qoımalarynda qundy balyq ósiretin eki torly balyq ósirý sharýashylyǵy qurylady, olardyń jalpy qýaty 1,5 myń tonna. «Oblys ákimdiginen jobalardyń iske asyrylýyn erekshe baqylaýǵa alyp, qajetti kómek kórsetýdi suraımyn», - dedi S.Brekeshev.

Baıandamasynyń sońynda Ekologııa mınıstri S.Brekeshev jınalǵandarǵa: « Qurmetti kezdesýge qatysýshylar, Sizdermen kezdesýimdi paıdalana otyryp, mynany aıtqym keledi. Siz der diń óńir ler ińiz tabıǵı baılyqtarymen áıgili, bul Katonqaraǵaı ulttyq parki, Marqakól kóli jáne basqa da jerler. Siz der ge kóptegen týrıster keledi. Bizdiń biregeı tabıǵı baılyqtarymyzǵa uqypty qaraýǵa, qoqys tastamaýǵa, ruqsat etilmegen jerlerde ot jaqpaýǵa shaqyramyn. Bolashaq urpaq úshin tabıǵı sulýlyqty qurmetteý jáne saqtaý kerek «, - dedi.

Budan ári jurtshylyqpen kezdesý suraq-jaýap formatyna kóshti.

Sondaı-aq, jumys sapary barysynda mınıstr birqatar óndiristik nysandardy aralap, azamattardy jeke qabyldap, BAQ ókilderi úshin brıfıng ótkizdi.