Óskemende 15 jastaǵy mektep oqýshysy joǵalyp ketti
ÓSKEMEN. QazAqparat - Óskemende 19 jeltoqsan kúni joǵalǵan 15 jastaǵy mektep oqýshysy izdestirilýde. Natalıa Ýgolnıkovany izdestirý jumysyna eriktiler kelip qosyldy, dep habarlaıdy «QazAqparat» HAA tilshisi.
Marına esimdi eriktilerdiń biriniń aıtýynsha, olar bolǵan jaǵdaıdy áleýmettik jeliden túnde bilgen. Jergilikti polıtsııanyń málimdeýinshe, qyzdyń anasy polıtsııaǵa 19 jeltoqsan kúni 20 saǵat ótken soń habarlaǵan. Polıtsııa qyzdy izdeýge sol kúni kirisedi.
Qazirgi tańda barlyq týǵan-týystarymen jáne dostarymen baılanysy anyqtalyp jatyr.
Polıtsııa atap ótkendeı, Natalıanyń týystary osyǵan deıin ol úıinen birneshe ret ketip qalǵanyn málimdegen. Sondaı-aq, sol kúni tańǵy saǵat 7-de mektepke ketkenimen, bilim ordasyna aıaq baspapty. Týystary polıtsııaǵa habarlamastan buryn, barlyq dostarynan surastyrǵan. Biraq eshqandaı nátıje bermedi. Sondaı-aq, onyń áleýmettik jelidegi paraqshasy óshirilip, jańasy ashylǵany belgili boldy.
