Óskemende 14 jyl boıy zańsyz turǵan Reseı azamaty anyqtaldy

ÓSKEMEN. QazAqparat – Óskemen qalasynda 14 jyl boıy zańsyz turǵan Reseı Federatsııasynyń azamaty jaýapqa tartyldy, dep habarlaıdy QazAqparat tilshisi.

Qalalyq Polıtsııa basqarmasy baspasóz qyzmetiniń málimetine súıensek, «Mıgrant» jedel aldyn alý sharasy barysynda tártip saqshylary uzaq ýaqyt boıy el aýmaǵynda zańsyz turyp kelgen reseılikti anyqtady.

«Reseı Federatsııasynyń 45 jastaǵy azamaty Qazaqstan Respýblıkasyna 2006 jyly kelip, 2007 jylǵa deıin tirkeýge turǵan. Alaıda tirkeý merzimi aıaqtalǵannan keıin de ol Óskemende tura berdi. Osylaısha, er adam QR halyqtyń kóshi-qony salasyndaǵy zańnamasyn buzǵan», - dedi Óskemen qalalyq PB kóshi-qon qyzmeti bóliminiń bastyǵy Rysbek Yrǵyzbaev.

Atalǵan fakti boıynsha polıtseıler ÁQBtK-niń 517-babyna sáıkes ákimshilik hattama toltyryp, qalalyq mamandandyrylǵan sotqa jiberdi.