Óskemende 14 jastaǵy qyz joǵalyp ketti
ÓSKEMEN. QazAqparat – Óskemen qalasynda 14 jastaǵy qyz joǵalyp ketti, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, Jánerke Qanapııanova osydan eki kún buryn joǵalyp ketken. Úıden dúkenge shyǵyp ketken jasóspirim sol kúıi qaıtyp oralmady.
«8 tamyzda polıtsııaǵa qońyraý shalǵan áıel adam 14 jastaǵy qyzynyń iz-tússiz joǵalǵandyǵyn habarlady. Ál-Farabı dańǵyly 26/1 mekenjaıynan syrtqa shyǵyp ketken jasóspirimniń qaıda ekendigi áli kúnge deıin belgisiz. Qazirgi ýaqytta polıtsııa qyzmetkerleri jedel-izdestirý sharalaryn júrgizip jatyr», - dep habarlady vedomstvo ókilderi.
Jánerkeniń ústinde aq jeıde, qara shalbar jáne qyzyl krossovka bolǵan. Ony kórgen nemese qaıda ekendigi jaıly qandaı da bir málimeti bar azamattar 8(777)169-64-66 nómirine nemese «102» jedel arnasyna qońyraý shalýlaryna bolady.
