Óskemende 14 jastaǵy qazaqstandyq tennısshi negizgi týrnırge ótti
NUR-SULTAN. QazAqparat – Óskemen qalasynda áıelder arasynda ITF World Tennis Tour W25 týrnıri bastaldy, dep habarlaıdy QazAqparat tilshisi.
Qazaqstan tennıs federatsııasynan málim etkenindeı, júlde qory 25 myń AQSh dollaryna baǵalanǵan jarystyń irikteý satysynda óskemendik, 14 jastaǵy Málıka Ámirǵalıeva tamasha óner kórsetti.
Málıka WTA reıtıngisinde joqtyǵyna qaramastan, irikteý saıystarynyń fınalynda álemniń 1990-raketkasy, reseılik 18 jastaǵy Nıkol Mıshıevany 6:1, 6:4 esebimen utyp ketti. Sóıtip, negizgi týrnırge joldama aldy.
Osylaısha, Kazzinc Open jarysynda bes birdeı qazaqstandyq sportshy, atap aıtqanda, Jibek Qulambaeva, Gózal Aınıtdınova, Marııa Sınıtsyna (ýaıld kard), Tatıana Nıkolenko (ýaıld kard) jáne Málıka Ámirǵalıeva baq synaıdy.
Eske sala keteıik, budan buryn tennısten Qazaqstan jasóspirimder quramasynyń álem chempıonatyn 4-orynmen aıaqtaǵanyn jazǵan bolatynbyz.
Sondaı-aq qazaqstandyq jas tennısshilerdiń túrli týrnırlerdegi nátıjesi jarııalandy.
