Óskemende 137 nysan «Ashyq» jobasyna qatysýda
Elimizde 26 sáýirde iske qosylǵan Ashyq jobasy bıznes sýbektilerinde koronavırýs ınfektsııasynyń taralý qaýpin azaıtýǵa baǵyttalǵan. Arnaıy jasalǵan qosymsha PTR-diń jalpy bazasymen biriktirilgen. Bul ár azamattyń qaýipti dertke shaldyqqanyn nemese aýyrǵandarmen baılanysta bolǵanyn anyqtaýǵa múmkindik beredi.
Óskemen qalalyq Kásipkerlik jáne aýyl sharýashylyǵy bóliminiń basshysy Ǵasan Turǵanbaevtyń aıtýynsha, atalǵan jobaǵa 137 nysan qatysyp otyr. Onyń qatarynda eń kóbi tamaqtaný oryndary men kompıýterlik klýbtar. Sondaı-aq monshalar, saýnalar, bılıardtar, SPA jáne boýlıng ortalyqtary, fıntes klýbtary da bar. Qaladaǵy 2 kınoteatr da Ashyq jobasyna qosylǵan.
«Keıbir azamattarǵa jańa júıe boıynsha jumys isteıtin obektilerge mynadaı jaǵdaılarda barýǵa tyıym salynady: sımptomdy jáne sımptomsyz vırýs tasymaldaýshysy bolsa, Sovid-19-ǵa PTR-testileýdiń oń nátıjesi shyqsa, dıagnozy rastalǵan pnevmonııa jáne úı karantınine oqshaýlaý jaǵdaıynda juqpaly dertpen aýyratyn naýqastarmen baılanysta bolsa. Jeke tulǵalar úshin barlyǵy 4 mártebe qarastyrylǵan. Atap aıtqanda, qyzyl, sary, kók jáne jasyl», - dedi Ǵasan Turǵambaev.
Alaıda vaktsınatsııa pasporty bar adamǵa sary mártebe berilse de qozǵalysyna esh shekteý joq. Koronavırýs juqtyrǵan adammen baılanysta bolsa da nysandarǵa emin-erkin kire alady.
Qyzyl mártebe qozǵalysty shekteýdi, ambýlatorııalyq baqylaýdaǵy adamdar úshin úıde oqshaýlanýdyń qatań rejımin saqtaýdy bildiredi. Sary mártebede qozǵalys ishinara shekteledi. Kók mártebe PTR-synama nátıjesi mindetti bolatyn jerlerden basqa aýmaqtarda qozǵalys shekteýleri joq. Jasyl mártebesi barlardyń qozǵalysyna eshqandaı shekteý bolmaıdy.