Óskemende 12 jastaǵy qyz izdestirilýde
ÓSKEMEN. QazAqparat – Óskemende polıtsııa qyzmetkerleri joǵalyp ketken, kámelettik jasqa tolmaǵan qyzdy izdestirýde, dep habarlaıdy QazAqparat Shyǵys Qazaqstan oblystyq Polıtsııa departamentiniń baspasóz qyzmetine silteme jasap.
7 tamyz kúni saǵat 18:30-dar shamasynda Óskemen qalasynyń Esenberlın kóshesi 4 «A» mekenjaıy boıynsha turatyn, 12.05.2007 jyly týǵan Qanapııanova Janerke Dáýrenqyzy úıinen shyǵyp ketip, qaıtyp oralmaǵan.
Ony izdestirý jumystary uıymdastyrylyp, izdeý sharalaryna Óskemen qalasy polıtsııa basqarmasynyń jeke quramy men Ulttyq ulannyń 60 áskerı qyzmetkeri jumyldyrylǵan.
Іzdeýshi toptardyń is-qımylyn durys úılestirý jáne oqıǵa bolǵan aımaqta tájirıbelik kómek kórsetý maqsatynda Shyǵys Qazaqstan oblystyq Polıtsııa departamentiniń jeke quramy men basshylyǵy júr.
Joǵalǵan qyzdyń erekshe belgileri: boıy 130-135 sm, orta deneli, shashy ortasha uzyn, shashy men kózi qara, qońyr tústi jeıde, ashyq jasyl tústi sholaq shalbar kıgen.
Joǵalǵan qyz týraly qandaı da bir aqparat biletin adamdar bolsa, jergilikti polıtsııa bólimine baryp nemese «102» telefonyna qońyraý shalý kerek.
