Óskemende 11 jyly aıaldama ornatylady
ASTANA. QazAqparat - Bıylǵy qysta Óskemende 11 jyly aıaldama ornatylmaq. Salynyp jatqan nysandardyń birin qala ákimshiliginiń ókilderi aralap kórdi, dep habarlaıdy altaynews.kz.
Jańa nysandardyń biri Halıfa Altaı oblystyq meshitiniń mańynda ornalasqan. Merdiger qala ákimine qurylys jumystarynyń osy aıdyń sońynda aıaqtalatynan aıtty.
«Óskemen-Tártip» JShS-nyń dırektory Tamara Raqymjanovanyń aıtýynsha, aıaldama túnde avtomatty rejımde jabylady. Eger kimde-kim shyǵa almaı qalǵan bolsa, esik ishten ashylady.
Jyly aıaldamalar sondaı-aq: «Prıstan» (sońǵy aıaldama), «Kaztsınk», «Neke saraıy» (qalaǵa qaraı baǵyt alatyn jol), «Komsomolskaıa» (sońǵy aıaldama), «Ýshanov alańy» (áýejaıǵa aparatyn jol), «Temirjol vokzaly», «Ivýshka «Gastronomy», «№ 44 mektep», «Shyǵys stadıony» «Rassvet» fabrıkasy» sııaqty oryndarda salynady.
Pavılon ishinde turǵyndar tek jylynyp qana qoımaı, uıaly telefondaryn da qýattandyra alady.
