Óskemende 11 jáne 12 jasar eki balany kólik qaqty
ÓSKEMEN. QazAqparat – Óskemen qalasynda 2 balany kólik qaǵyp ketti, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, jol-kólik oqıǵasy búgin túski ýaqytta Karbyshev kóshesinde bolǵan.
«VAZ» markaly avtokóliktiń 25 jastaǵy júrgizýshisi Gagarın býlvaryna qaraı júrip kele jatyp rettelmegen jaıaý júrginshiler ótkelinde kámelet jasyna tolmaǵan eki balany qaǵyp ketti», - dep habarlady vedomstvo ókilderi.
Ár túrli dárejedegi dene jaraqatyn alǵan 11 jáne 12 jastaǵy uldar jedel túrde aýrýhanaǵa jetkizilgen.
Atalǵan fakti boıynsha QR Qylmystyq Kodeksiniń 345-baby (jol qozǵalysy erejelerin buzyp, abaısyzda adam densaýlyǵyna aýyr zııan keltirý) boıynsha sotqa deıingi tergeý amaldary bastaldy.
