Óskemende 11 monıtorıng toby úı mańyndaǵy dúkenderde azyq-túlik baǵasyn tekserýde
Qalalyq máslıhat depýtattary men qoǵam belsendilerinen qurylǵan 11 monıtorıngtik top áleýmettik mańyzy bar azyq-túlik baǵasynyń qymbattaýyna jol bermes úshin turaqty túrde monıtorıng júrgizýde. Qańtar aıynda olar iri saýda oryndaryn teksergen. Al búginde úı mańyndaǵy shaǵyn dúkenderdegi baǵany baqylaýda.
«Kásipkerlerge saýda qyzmeti týraly zańǵa engizilgen ózgerister týraly túsindirý jumystaryn júrgizip jatyrmyz. Áleýmettik mańyzy bar 19 túrli taýardyń quny óndirýshiniń satý baǵasynyń nemese kóterme jetkizýshiniń satyp alý baǵasynyń 15 paıyzynan asyrylmaýy kerek. Dúken ıelerine osy taýarlardyń tizimin berip, baǵany ruqsat etilgen shekten kóterip jibergenderge eskertý jasalýda», - dedi Óskemen qalalyq máslıhat hatshysy Aleksandr Svetash.
Onyń aıtýynsha, qazir shahar boıynsha 944 shaǵyn azyq-túlik dúkeni bar. Reıdter kezinde olardyń barlyǵy qamtylmaq. Qazirgi ýaqytta 150 dúken tekserildi.
